Innleiðing hagstæðustu raforkukaupa

Algengt er að arðsamasta aðgerð í orkumálum fyrirtækja og stofnana sé breyting á orkukaupum.  Þá liggur venjulega fyrir hverjir hagræðingarmöguleikar eru enda skilar forgreining (sem Orkuvaktin framkvæmir að kostnaðarlausu) þeim upplýsingum.

Það er aðeins á færi sérfræðinga að reikna út hvaða taxtar henta best og bera saman tilboð orkusala.  Þetta orsakast af því að taxta og notkunargögn frá veitum eru bæði flókin og yfirgripsmikil, og því þarf sérþekkingu og sérhæfð kerfi til að vinna úr þeim.  Meðal þess sem gert er þegar farið er í innleiðingu hagstæðustu raforkukaupa er eftirfarandi:

  • Taxtagreining dreifitaxta (allir taxtar viðkomandi dreifiveitu).
  • Taxtagreining orkutaxta (allir taxtar allra orkusala).
  • Möguleikar á hagræðingu með sammælingu ef um marga mæla er að ræða.
  • Tilboða aflað frá orkusölum og unnið úr þeim á samræmdum grunni.
  • Innleiðing á hagstæðustu orkukaupum.

Við greiningarvinnu byggir Orkuvaktin á 15 ára reynslu á raforkumarkaði sem og þekkingu á öllum innviðum kerfisins.  Sérstakt hugbúnaðarkerfi hefur verið þróað sem nýtir öll rafræn gögn sem þessir innviðir bjóða upp á.  Það gerir Orkuvaktinni kleift að bjóða þessa þjónustu á mun hagstæðara verði en þekkst hefur.

Þegar hagstæðustu orkukaup hafa verið innleidd býður orkuvaktin upp á vöktunarþjónustu [sjá hér] sem m.a. gefur til kynna ef notkun er ekki lengur á hagstæðasta taxta.  Þannig má tryggja að orka sé ávalt keypt á hagstæðasta verði.

ICEconsult Mörkinni 6 108 Reykjavík orkuvaktin(hjá)orkuvaktin.is Sími: 412 8600